کبھی دل کو میں، کبھی دل مجھے ۔ ۔ ۔

کبھی دل کو میں، کبھی دل مجھے جلاتا رہا رات بھر

کبھی دل کو میں، کبھی دل مجھے سمجھاتا رہا رات بھر

ڈوبنے کو تیار تھے ہم دونوں ہی آنسووں میں

کبھی دل کو میں، کبھی دل مجھےبچاتا رہا رات بھر

بے سکوں ہوئے، بے چین رہے، اِس قدر اِس قدر

کبھی دل کو میں، کبھی دل مجھےستاتا رہا رات بھر

نیندوں کے دئیے، یادوں کی بارش میں نہ جل سکے

کبھی دل کو میں، کبھی دل مجھےجگاتا رہا رات بھر

انجاں تھے ہم گبھرا گئے غموں کی نئی راہوں پر

کبھی دل کو میں، کبھی دل مجھےبھگاتا رہا رات بھر

شراب تھی، ساقی مگر تھا نہیں، تنہائی تھی

کبھی دل کو میں، کبھی دل مجھے پلاتا رہا رات بھر

روٹھے اُس رُت میں ، منانے والا نہ میلوں تک

کبھی دل کو میں، کبھی دل مجھے مناتا رہا رات بھر

بھولنے کو ہی ہوتا تھا کہ پھر بے وفائی کا قصہ

کبھی دل کو میں، کبھی دل مجھے سناتا رہا رات بھر

از: ذیشان احمد بھٹی

مزید پڑھنے کیلئے یہاں کلک کریں »

نشے کی نیند ۔ ۔ ۔

نشے کی نیند میں سوئے اِس طرح

زندگی خواب لگنے لگی ہمیں

دھوکے کھائے چاہت میں ایسے

محبت خراب لگنے لگی ہمیں

ٹوٹا جو دل بری طرح سے

اچھی شراب لگنے لگی ہمیں

اجڑی کچھ ایسے تمناوں کی بستی

ویرانگی شاداب لگنے لگی ہمیں

رخصت ہوئی جب جذبات کی گرمی

ٹھنڈ بے حساب لگنے لگی ہمیں

بے سکوں اتنے ہوئے کہ آنے کو

موت بے تاب لگنے لگی ہمیں

از: ذیشان احمد بھٹی

مزید پڑھنے کیلئے یہاں کلک کریں »

بھاگے ہوئے ہیں ہم

خوابوں سے دور بھاگے ہوئے ہیں ہم

کتنی راتوں کے جاگے ہوئے ہیں ہم

دل جس کا چاہے وہی توڑ جائے

بنے ایسے کچے دھاگے ہوئے ہیں ہم

جتنا سوچا درد سے کنارہ کریں گے

اُتنا زخم کھانے کو آگے ہوئے ہیں ہم

از: ذیشان احمد بھٹی

مزید پڑھنے کیلئے یہاں کلک کریں »

اعتماد

اِک چیز

جب ہوتی ہے

تو ہوتی ہے

اور پھر

ہوتی ہی چلی جاتی ہے

مگر جب وہ چیز

ٹوٹتی ہے تو

کرچیاں بکھرنے لگتیں ہیں

اور وہ کرچیاں

دل میں دھنسنے لگتیں ہیں

بے شک

بہت دکھ ہوتا ہے

جب ’’اعتماد‘‘ ٹوٹتا ہے

از: ذیشان احمد بھٹی

مزید پڑھنے کیلئے یہاں کلک کریں »

کر نہیں سکتا

الفاظ کی قید میں بند ارماں کر نہیں سکتا
سوچ تو سکتا ہوں مگر بیاں کر نہیں سکتا

خواہش واویلا کرتی ہے کثرت سے دل میں
مہیا حسرت مٹانے کا ساماں کر نہیں سکتا

تقاضے جسم کے یہاں روح سے بڑھ کر
ہلکان خود کے لئے جاں کر نہیں سکتا

خودی نیلام کرنا پڑے کاروبارِ محبت میں
ذیشاںؔ برداشت اتنا بڑا نقصاں کر نہیں سکتا

از: ذیشان احمد بھٹی

مزید پڑھنے کیلئے یہاں کلک کریں »

سگریٹ

اپنی طبیعت کو سگریٹ سے سُلگاتا چلا گیا

اپنے خیالات کو دھویں میں اڑاتا چلا گیا

ہر سانس ختم کر رہی ہو زندگی کو جیسے

ہر کش سگریٹ کو ایسے جلاتا چلا گیا

اہلِ زمانہ سگریٹ کو موت کہتے ہیں

میں اِس موت کو لبوں میں دباتا چلا گیا

طلب تو کب کی ختم ہو چکی تھی لیکن

پی پی کے سگریٹ خود کو ستاتا چلا گیا

محبت کا سفر آگ سے ہوتا ہے راکھ تک

انجامِ سگریٹ ہر بار یہ سمجھاتا چلا گیا

کھو چکا تھا جو اکثر اُس کی یاد میں

دھویں میں عکس اُسکا بناتا چلا گیا

میرے احساس میں بھری زمانے کی تلخیاں

خوشبوئے تمباکو سے خود کو مہکاتا چلا گیا

ترک کر دوں گا سگریٹ ایک بار پی کر

یہ خیال ہی تو سگریٹ کو بڑھاتا چلا گیا

از: ذیشان احمد بھٹی

مزید پڑھنے کیلئے یہاں کلک کریں »

محبت کیا ہے؟

اِک بے بس سے پوچھا محبت کیا ہے؟

بولا وہ بے بسی سے محبت التجا ہے

اِک مجرم سے پوچھا محبت کیا ہے؟

بولا ہو دُرشتی سے محبت خطا ہے

اِک حسیں سے پوچھا محبت کیا ہے؟

بولی وہ شوخی سے محبت ادا ہے

اِک عاشق سے پوچھا محبت کیا ہے؟

بولا وہ جلدی سے محبت وفا ہے

اِک غریب سے پوچھا محبت کیا ہے؟

بولا وہ لاچارگی سے محبت آسرا ہے

اِک نمازی سے پوچھا محبت کیا ہے؟

بولا وہ سر جھکائے محبت خدا ہے

اِک شاعر سے پوچھا محبت کیا ہے؟

بولا وہ شعر میں محبت انتہا ہے

اِک شرابی سے پوچھا محبت کیا ہے؟

بولا وہ جھوم کر محبت نشہ ہے

اِک پاگل سے پوچھا محبت کیا ہے؟

بولا وہ گھوم کر محبت لا پتہ ہے

اِک معلم سے پوچھا محبت کیا ہے؟

بولا وہ سرکھجائے محبت جذبہ ہے

اِک جواں سے پوچھا محبت کیا ہے؟

بولا وہ مسکرائے محبت مزا ہے

اِک دل جلے سے پوچھا محبت کیا ہے؟

بولا وہ بے رخی سے محبت دھوکہ ہے

اِک سہمے سے پوچھا محبت کیا ہے؟

بولا وہ خوف سے محبت بلا ہے

اک پیاسے سے پوچھا محبت کیا ہے؟

بولا وہ ترس کر محبت گھٹا ہے

اِک عورت سے پوچھا محبت کیا ہے؟

بولی وہ شرم سے محبت حیا ہے

پھر خود سے پوچھا محبت کیا ہے؟

بولی عقل کہ محبت اِک مسلئہ ہے

جو اب تک نہ حل ہوا ہے

گو یہ ’’چاہتوں کا سلسلہ‘‘ ہے 

جو سب کےلئے جدا ہے

از: ذیشان احمد بھٹی

مزید پڑھنے کیلئے یہاں کلک کریں »