چپکے سے زخم سِی جاؤ

اپنے غموں کو چھپانا ہے

مسکراہٹیں بکھیرتے جانا ہے

آنسو کے موتیوں کو

بکھرنے سے بچانا ہے

جب کوئی ساتھ نہیں دیتا

دکھ ہمارے نہیں لیتا

کیوں کرنا کسی کو شناسا
کیوں بنانا اپنا تماشا

ہے یہ دنیا کا دستور

غریب سے رہوہمیشہ دور

قریب اسکے بھی نہ رہو

جو اداسی پر ہو مجبور

ضرورت نہیں کچھ بتانے کی

کسی دل میں درد جگانے کی

کسی کا غم جو سنتا ہے

پیچھے سے وہی پھر ہنستا ہے

چپکے سے زخم سِی جاؤ

شکوے گِلے سب پی جاؤ

دکھ جس نے بھی پالا ہے

بڑا ہی ہمت والا ہے

غم سہنے والو سنو ذرا

صبر کا اجر نرالا ہے

ہنستے رہ کر ہونا غالب

ہر کوئی ہے خوشی کا طالب

کسی کو مطلب غم سے نہیں

رغبت آنکھ پُرنم سے نہیں

آنا جب بھی کسی کو نظر

ہنس کے کرنا اُس پر سحر

موم کرے جوپتھر کو

مسکراہٹ رکھتی ہے بڑا اثر

از: ذیشان احمد بھٹی