جب سوچا تو ۔ ۔ ۔

جب سوچا تو ہر بات بے بات نکلی

امید کی ہر کرن ہی تو رات نکلی

آتشِ دل کو یخ بستہ کرنے کےلئے

بے ساختہ آنکھوں سے برسات نکلی

کبھی خطاوار ٹھہرا نصیب جو ذیشاںؔ

یک لخت گنہگار اپنی ہی ذات نکلی

از: ذیشان احمد بھٹی

مزید پڑھنے کیلئے یہاں کلک کریں »

مجھے گھٹن کا عادی ہونا ہے

مجھے گھٹن کا عادی ہونا ہے

بس شے اک مادی ہونا ہے

جس پہ عیاں کوئی جذبہ نہ ہو

لفظوں کا زباں پہ قبضہ نہ ہو

بس رہنا ہے تاثر کو دبائے

غصہ و الم کو دل میں چھپائے

محض موقع پرستی کو اپنا کر

بناوٹی رُخ چہرے پر سجا کر

گمنا ہے ہجومِ زمانہ میں

گو بن جاوں گمشدہ افسانہ میں

بھول کر امنگ و احساس کو

توڑ کر زندگی کی ہر آس کو

اب ہنسنا ہے نہ رونا ہے

مجھے گھٹن کا عادی ہونا ہے

از: ذیشان احمد بھٹی

مزید پڑھنے کیلئے یہاں کلک کریں »

ہیلو

میں سمجھ نہ سکا

اُسکے لرزتی آواز میں

ہیلو کہنے کو

یہ سب کیا تھا

شکست خوردگی

کسی گزشتہ تلخی پر

یا پھر یاد دھانی

کسی بیتے لمحے کی

جو تسلسل چاہتا ہے

اوہ، اظہارِ محبت بھی تو

مقصود ہو سکتا ہے

تو پھر اور کیا

مطلب ہو سکتا ہے

محض دھیرے سے

ہیلو کہہ کر

فون بند کرنے کا

میں سمجھ نہ سکا

از: ذیشان احمد بھٹی

مزید پڑھنے کیلئے یہاں کلک کریں »

جو اپنے لگتے تھے

سپنے سب ٹوٹ گئے، جو اپنے لگتے تھے

اپنے سب روٹھ گئے، جو اپنے لگتے تھے

چوری چوری چھپ چھپ کر جو ملنے آتے تھے

چور ہمیں وہ لوٹ گئے، جو اپنے لگتے تھے

غیر تو ہم سے ابتک سچ ہمیشہ بولے تھے

وہی بول کر جھوٹ گئے، جو اپنے لگتے تھے

اپنے دل کو جن راہوں میں بچھایا کرتے تھے

رستے سب وہ چھوٹ گئے، جو اپنے لگتے تھے

از: ذیشان احمد بھٹی

مزید پڑھنے کیلئے یہاں کلک کریں »

عذابِ عشق

عذابِ عشق میں گرفتہ بڑوں کی جاں دیکھی

شبِ بے چینی کی شدت ہوتی لامکاں دیکھی

طلبِ دلکشی میں دھنس گئی جن کی کشتی

بدقسمتی کی ندیا اُن پر بہتی رواں دیکھی

جن پر ہوئے ظاہر نتائجِ حُسن و جمال

پھر زندگی میں انہوں نے رعنائی کہاں دیکھی

سفرِ عشق ذیشاںؔ ہوتا ہے خوں آشام بھی

محبت لاشیں روندتی سرِ کارواں دیکھی

از: ذیشان احمد بھٹی

مزید پڑھنے کیلئے یہاں کلک کریں »

اِک بار

اِک بار پہنچایا تھا

آنکھوں نے

زودواثر حُسن کا

دل تک

پھر بار بار

ترسایا دل نے

آنکھوں کو

دیدارِ حُسن کے لئے

از: ذیشان احمد بھٹی

مزید پڑھنے کیلئے یہاں کلک کریں »

سوچا نہ تھا

سوچا نہ تھا محبت میں یہ بھی مقام آئے گا

روئے گا تُو اور دل کو میرے آرام آئے گا

کبھی یاد کرونگا تجھ کو، کبھی تجھ سے اپنی وفا کو

کبھی تیری بے وفائی کا قصہ لبِ بام آئے گا

بھول ہی جاؤں گا تجھے رفتہ رفتہ کبھی

صرف ہلکا سا خیال ہمیشہ سرِشام آئے گا

از: ذیشان احمد بھٹی

مزید پڑھنے کیلئے یہاں کلک کریں »

سچ بولوں تو

سچ بولوں تو دوری گوارہ نہیں

تیرے بِنا اک پل گزارہ نہیں

اجازت مل جائے پاس آنے کی

کیا ایسا تم نے کوئی اشارہ نہیں

بسا آنکھوں میں تیرے چہرے کا منظر

اچھا لگتا کوئی اب نظارہ نہیں 

بہا کے لے جائے جسے زمانے کی لہر

عشق وہ ٹوٹا ہوا کنارہ نہیں

محبت کا شعلہ صرف دیوانے دل میں

ہر دل میں جلتا یہ شرارہ نہیں

لو آج کہتا ہے یہ تم سے ذیشاںؔ

ہوں کسی کا نہیں، گر تمہارا نہیں

از: ذیشان احمد بھٹی

مزید پڑھنے کیلئے یہاں کلک کریں »

محبت کے آثار

جب میں چُن لوں گا محبت کے آثار

میری محبت کے لئے ترسے گی تُو

آج برس رہی ہو یونہی بے جا مجھ پر

کبھی میرے لئے آنکھوں سے برسے گی تُو

ڈھونڈے گی میرے گھر کی کھڑی میں مجھے

جب بھی نکلے گی اپنے گھر سے تُو

از: ذیشان احمد بھٹی

مزید پڑھنے کیلئے یہاں کلک کریں »

دیوانہ بنا رکھا ہے

سنا ہے

کسی نے شہر کو

مستانہ بنا رکھا ہے

مظہرِ حُسن سے

ہر اِک دل کو

آشیانہ بنا رکھا ہے

مگر خود کو

سب سے

بیگانہ بنا رکھا ہے

ہمیں بھی تو

اُس شمع نے

پروانہ بنا رکھا ہے

کہ جس کی

اداؤں نے پاگل

زمانہ بنا رکھا ہے

جو آنکھیں شراب اُسکی

تو دل جلوں کو

پیمانہ بنا رکھا ہے

اور جلوہ گری پہ اُسکی

دولت نے خود کو

نذرانہ بنا رکھا ہے

جب سے دلوں کو

اُس حسینہ نے

نشانہ بنا رکھا ہے

مندرتھا جہاں پر
لوگوں نے وہاں پر

مے خانہ بنا رکھا ہے

ہاں یہ سچ ہے

اُس نے شہر کو

دیوانہ بنا رکھا ہے

از: ذیشان احمد بھٹی

مزید پڑھنے کیلئے یہاں کلک کریں »

بھوک

اِک بھوک نہ ہو تو کیا چاہیے

خوبی کرنی یہی خدا کو عطا چاہیے

مجبوری ہے جو زندگی کی مرنے تلک

بھوک پیٹ کی ہو تو غذا چاہیے

مطلبی بنایا جس نے سارے جہاں کو

بھوک دولت کی ہو تو روپیہ چاہیے

حوص ہو گئی جس کے آگے فطرت

بھوک جسم کی ہو تو دوسرا چاہیے

بھوک کو بنا کر انساں کی میراث

ناجانے قدرت کو ہم سے کیا چاہیے

از: ذیشان احمد بھٹی

مزید پڑھنے کیلئے یہاں کلک کریں »

یا تو ۔ ۔ ۔

یا تو رشتوں کو بُھلانا پڑے گا

یا ہمیں محبت کو مٹانا پڑے گا

یا تو ہو دل رشتوں پر غالب

یا ہمیں دل کو سمجھانا پڑے گا

یا تو ہو روشن احساس کی رنگت

یا ہمیں اندھیروں کو جگانا پڑے گا

یا تو ہو گیت جھنکارِ عشق کا

یا ہمیں آہ کو گنگنانا پڑے گا

یا تو ہو بلند چاہت کی پرواز

یا ہمیں پیار کو دبانا پڑے گا

یا تو ہو بے پردگی لطفُ سرور کی

یا ہمیں حجاب کو اپنانا پڑے گا

یا تو ہو غرق جاں سمندرِ یاد میں

یا ہمیں خود کو بچانا پڑے گا

یا تو ہو عاشقی مِلن سے رنگی ہوئی

یا ہمیں تنہائی کو آزمانا پڑے گا

یا تو ہو زندگی رقصِ خمار سے بھری

یا ہمیں درد کو نچانا پڑے گا

یا تو ہو دیوانگی ہر تڑپ سے آشنا

یا تمیں ذیشاںؔ کو بُھلانا پڑے گا

از: ذیشان احمد بھٹی

مزید پڑھنے کیلئے یہاں کلک کریں »

دوسرا راستہ

میں یہ نہیں کہتا

کہ تم میرے ہو جاؤ

مگر

یہ تو ہو سکتا ہے

کہ تم

مجھے اپنا بنا لو

اور

میں تمہارا ہو جاؤں

از: ذیشان احمد بھٹی

مزید پڑھنے کیلئے یہاں کلک کریں »

گذارشات لکھتے ہیں

چلو آؤ کچھ بیتے حالات لکھتے ہیں

کوئی گزری ہوئی ملاقات لکھتے ہیں

کسی کی بخشی عنائیات کو یاد کیے

دل سے نکلی گذارشات لکھتے ہیں

جذبات کے ریلے جب آنکھ سے بہے

بھیگی ہر اُس رات کو برسات لکھتے ہیں

جیت تو لیا اکثر کسی دلنشیں کا دل

مگر ہوئی جو خودی کو وہ مات لکھتے ہیں

یوں تو بُھلایا نہ جائےکوئی بھی قصہ

مگر یاد جو بہت آئے وہ بات لکھتے ہیں

از: ذیشان احمد بھٹی

مزید پڑھنے کیلئے یہاں کلک کریں »

عورت

گو بِن عورت چل سکتا نہیں دنیا کا دھندہ

مگر دنیا کا سب سے بڑا عورت ہے پھندہ

جو پیار کی نرمی سے کرے پتھر کو پانی

تو کرے فریب سے ہر عقلمند کو اندھا

کبھی حُسنِ عورت ہے دل کا سکون

کہیں ناچ کر کرے یہ من کو گندہ

اِک برائی میں کشش، اِک شیطاں کا جال

کِھنچا ایسے ہی نہیں جاتا طرفِ عورت بندہ

از: ذیشان احمد بھٹی

مزید پڑھنے کیلئے یہاں کلک کریں »

-: میں نے اتحاد کا سبق ’’درخت‘‘ سے سیکھا ہے :-

:میں نے اتحاد کا سبق ’’درخت‘‘ سے سیکھا ہے

جس کا تنا ایک ہونے کی وجہ سے مضبوط ہے

اور

جس کی شاخیں تقسیم در تقسیم ہونے کی وجہ سے کمزور ہیں۔

از: ذیشان احمد بھٹی

مزید پڑھنے کیلئے یہاں کلک کریں »

کیا نام دوں ؟

دل دید کے لئےدردوں میں گِھر گیا

تجھے دیکھنے کی چاہت کو کیا نام دوں

میرے لئے جو تیری دھڑکتی ہیں دھڑکنیں

تیرے دل کی آہٹ کو کیا نام دوں

سوچوں کے انبار میں خیالوں کے تضاد

مگر سپنوں کی راحت کو کیا نام دوں

میرا دیدار بنے جو تیرے چہرے کی ہنسی

اِس رنگین سجاوٹ کو کیا نام دوں

ہم قائل نہیں کسی کے فہم و افکار سے

زمانے سے بغاوت کو کیا نام دوں

تھک جائے جسم و جاں جو انتظار میں

پُر امید اِس تھکاوٹ کو کیا نام دوں

جو ملے تو لُٹا دے دولت حیاؤں کی

تیری اِس سخاوت کو کیا نام دوں

جو ناراض بھی ہوا تو وفاؤں کی سمت

تیری اِس ملاوٹ کو کیا نام دوں

محبت اپنے لئے چھوٹا سا لفظ ہے

اِس لفظ محبت کو کیا نام دوں

از: ذیشان احمد بھٹی

مزید پڑھنے کیلئے یہاں کلک کریں »

جو وفا ہی دے

جو وفا ہی دے، کہیں دغا نہ دے

خدشہ ہے کوئی بُھلا نہ دے

عشق عطا بھی تو خطا بھی ہے

اِس جرم کی کوئی سزا نہ دے

وفاءوں سے لبریز محبوب کہیں

بے رُخی کی کوئی ادا نہ دے

سنے جو کسی کی نہ میرے سِوا

صنم کو کوئی صدا نہ دے

جب زندگی ہو بدتر موت سے

مجھے جینے کی کوئی دعا نہ دے

ناسورِ دل بن جاتا ہے جو

ایسا زخم کوئی، خدا نہ دے

جب ذیشاںؔ پہ چھایا ہو غم کا نشہ

تو خوشی بھی کوئی مزا نہ دے

از: ذیشان احمد بھٹی

مزید پڑھنے کیلئے یہاں کلک کریں »

شامِ تنہائی

اِک شخص ملا تھا راہوں میں

انجانی گلیوں کی بانہوں میں

نظر نظر میں ناجانے

کیا شروع ہوئے افسانے

تیرِ نگاہ نے گھائل کیا

چاہت نے دل کو مائل کیا

میں چلنے لگا جو اپنے نگر

تعاقب میں تھے قدم مگر

اسکاپتہ میں جان گیا

وہ میری نیت پہچان گیا

اُسے نظر میں دل کا خلاصہ دیا

اُس نے بھی ہنس کر دلاسا دیا

پھر شروع ہوا اِک تعلق سا

ہر سانس فضا میں معلق سا

اُسکی گلی میں شام و دِن

چین نہیں تھا اُسکے بِن

میں اُسکے جہاں میں رہنے لگا

محبوب مجھے وہ کہنے لگا

اِک رات ملن کی بھی آئی

جب پائی سنہری تنہائی

سینوں میں تمازت ملنے کی

جذبوں میں حرارت جلنے کی

گزری ہوئی ہر بات کو

بھولیں گے نہ ہم اُس رات کو

پھر دورِ جدائی آنے لگا

پھر غمِ تنہائی چھانے لگا

جو دوست ہوئے تھے لمحوں میں

پھر گِھرے ہوئے تھے صدموں میں

وہ مایوسی میں دور ہوا

میں غم سہنے کو مجبور ہوا

بیتاب رہا تھا دل ہر پل

جیسے گیا ہو سب کچھ جل

ہر شب کو اُسکے نام کیا

محبت کو جس نے ناکام کیا

میں شامِ تنہائی سہنے لگا

وہ بھی تو اکیلا رہنے لگا

از: ذیشان احمد بھٹی

مزید پڑھنے کیلئے یہاں کلک کریں »

دوستی کا جال

سارے ہی ناطے ٹوٹ گئے، اک رشتہ بحال ہے

پھنس گئے ہیں جس میں، وہ دوستی کا جال ہے

وہ بھول سکتے ہیں ہمیں، ممکن ہے شاید

بھول جائیں ہم انہیں، یہ اُن کا خیال ہے

کبھی دل موت سے منافی ہے قربتوں میں اُنکی

یا پھر اُنکے فراق میں، جینا محال ہے

ہم قابل نہیں ہیں اُنکے حُسنِ خلوص کے

محبت کریں ہم اُن سے، اپنی کیا مجال ہے

کر کے دیوانہ بھول جانا شوق ہے اُن کا

اُنکی اداءوں میں خود کو بچانا وبال ہے

انساں جو گرتا ہے تو پھر گرتا ہی چلا جائے

عشق کیسی ہے پستی، یہ کیسا زوال ہے

کسی جھوٹ کو سچ کر لیتا ہے ہر کوئی

مگر سچ کو جھوٹ کرنا یہ اُنکا کمال ہے

لوگ تو معلوم کرنے کو پوچھتے ہیں احوال

وہ جان کربھی پوچھیں ہمارا کیا حال ہے

از: ذیشان احمد بھٹی

مزید پڑھنے کیلئے یہاں کلک کریں »

محض ۔ ۔ ۔

لفظوں کے انبار ہیں

سوچوں کے حصار ہیں

لگتے تھے جو مقصدِزندگی

سلسلے سب وہ بیکار ہیں

از: ذیشان احمد بھٹی

مزید پڑھنے کیلئے یہاں کلک کریں »

تنہائیوں کے میلے

کون کہتا ہے کہ ہم تنہا ہیں

تنہائیوں کے میلے ہمراہ ہیں

بدگمانی ہی سہی موجبِ تنہائی

ہم خوش ہیں کہ گمراہ ہیں

دوش ہمارا ہے کسی کا نہیں

محبت کا اُن کو بھی طریقہ نہیں

سونے پہ سہاگہ ہوا یہ کہ 

صبر کا ہمکو بھی سلیقہ نہیں

خوشی ہے تو غمی کے لئے

غمی ہے تو ہم ہی کے لئے

مسکراتے رہے جانے کیسے

آنکھ جو ترسی تو نمی کےلئے

از: ذیشان احمد بھٹی

مزید پڑھنے کیلئے یہاں کلک کریں »

مفلس گلیوں میں

روز کا سامنا حُسن سے

مفلس گلیوں میں

انجانوں کی طرح

گزر ہونے پر

مچلے دل

دیوانوں کی طرح

رشتہ تو دور

کوئی تعلق بھی نہیں

پھر بھی حسیناؤں کو

دیکھا ہے کہیں

نظریں بیتاب

اُٹھ جانے کو

ہم مجبور

جُھکانے کو

رہیں محور

نگاہوں کا

پتہ نہ دیں

آہوں کا

راہ چلتا عشق

کم اثر ہے

یا پھر

بے خبر ہے

جانے کب

آفت آئے

یا پھر

راحت آئے

رسوائی سے بہتر

خاموش نظر

کہ ہو جائے

دل پتھر

حُسن والوں کا

اعتبار کہاں ہے

یہ وہاں

رتبہ جہاں ہے

راہیں وہیں سدا

راہی بدل جاتے ہیں

بچھڑنے والے

یاد بہت آتے ہیں

لگن راہ سے

بے بسی سے نہیں

محبت ایک سے

ہر کسی سے نہیں

از: ذیشان احمد بھٹی

مزید پڑھنے کیلئے یہاں کلک کریں »